یه‌کشه‌ممه‌ ۲۸ گه‌ڵاڕێزان ۱۳۹۶
ئه‌ندازه‌ي‌ فۆنت :  

ڕۆحانی:سیمای ئێرانی ئیسلامی له‌ ڕۆژهه‌ڵات و ڕۆژاوا به‌ هه‌موو جیهان ناسێندرا

سه‌رۆک کۆماری ئیسلامیی ئیران وتی: ئه‌مڕۆکه‌ سیمای ئێرانی ئیسلامی له‌ ڕۆژهه‌ڵات و ڕۆژاوا له‌ هه‌ر کاتێکی دیکه‌ زیاتر به‌ هه‌موو خه‌ڵکی جیهان ناسێندراوه‌. به‌پێی راپۆرتی هه‌واڵنێری به‌شی ده‌ره‌وه‌سنووریی ڕادیۆ و ته‌له‌ڤزیۆنی ئێران؛ "حه‌سه‌ن رۆحانی " ئه‌مڕۆ (سێشه‌ممه‌) له‌ کۆڕی پڕ سۆز و خرۆشی خه‌ڵکی ستانی هه‌مه‌دان (ڕۆژاوای ئێران) وتیشی: گه‌لانی گه‌وره‌ و هۆگری فه‌رهه‌نگ و شارستانییه‌ت ده‌زانن له‌ وڵاتی ئێرانی ئیسلامیدا ئه‌وه‌ ئێرانیی ئازا و جوامێرن که‌ ده‌ژین.
سه‌رۆکی ده‌زگه‌ی کارگێڕیی ئێران وتی: پاش 23 مانگ دانوستانی چڕ و پڕ و بێ وچانی دیپلۆماته‌ بوێر و قاره‌مانه‌کانی ئێران له‌گه‌ڵ شه‌ش زلهێزی جیهان، سێبه‌ری ڕه‌شی شه‌ڕ له‌ سه‌ر خه‌ڵک هه‌ڵگیراوه‌و ئاسایشی راستینه‌ی گه‌ڕاندۆته‌وه‌ بۆ خه‌ڵک.
سه‌رۆکی ئه‌نجومه‌نی ئاسایشی نه‌ته‌وه‌یی ئێران به‌ ئاماژه‌ به‌ هه‌فته‌ی ده‌وڵه‌ت ڕاشکاوانه‌ رایگه‌یاند: ده‌وڵه‌تی یازده‌هه‌م توانی بڕیارنامه‌ دژه‌ ئێرانییه‌کانی ئه‌نجومه‌نی ئاسایشی ڕێکخراوی نه‌ته‌وه‌کان هه‌ر له‌و ناوه‌نده‌وه‌ که‌ ده‌رکرابوو، هه‌ڵوه‌شێنێته‌وه‌ که‌ ئه‌وه‌ شانازییه‌کی گه‌وره‌یه‌ که‌ له‌ خۆڕاگری و جوامێریی گه‌لی ئێران و ڕێنوینییه‌کانی ڕێبه‌ری مه‌زنی ئینقلابی ئیسلامی و هه‌موو له‌خۆبردووان له‌وان دیپلۆماته‌کانی ئێران سه‌رچاوه‌ی گرتبوو.
ڕۆحانی وتیشی: بۆ ڕێز و سپاس به‌رامبه‌ر به‌ خۆراگرییه‌کانی گه‌لی ئێران به‌ پێی بڕیارنامه‌ی 2231ی ئه‌نجومه‌نی ئاسایشی ڕێکخراوی نه‌ته‌وه‌کان ، ئێران نه‌ک هه‌ر مافی پیتاندنی یۆرانیۆمی هه‌یه‌ به‌ڵکوو له‌م بڕیارنامه‌یه‌دا هه‌موو وڵاتان ئه‌و ئه‌رکه‌یان که‌وتۆته‌ سه‌ر شان، تا یارمه‌تیی کۆماری ئیسلامی بده‌ن له‌ ده‌سڕاگه‌یشتنی به‌ زانستی بانتری ئه‌تۆمی.
سه‌رۆکی کۆماری ئیسلامیی ئێران به‌ ئاماژه‌ به‌وه‌ی که‌ ئه‌م ده‌سکه‌وته‌ی ده‌وڵه‌تی ئێران جێی شانازییه‌، پێی داگرت؛ وڵاتی زۆر ده‌گمه‌ن له‌ جیهان هه‌یه‌ که‌ وه‌ک ئێران به‌ بێ ئه‌وه‌ی بڕیارنامه‌که‌ی ئه‌نجومه‌نی ئاسایش جێبه‌جێ بکات، بتوانێ هه‌ڵوه‌شێنێته‌وه‌ و له‌ ڕێگای برێارنامه‌یه‌کی نوێ مافی ڕه‌وا و یاسایی خۆی ده‌سته‌به‌ر بکات.
ڕۆحانی وتیشی: به‌ هه‌ڵوه‌شێندرانه‌وه‌ی بایکۆته‌ زاڵمانه‌کان له‌ داهاتوویه‌کی نزیکدا، گه‌لی ئێران گه‌شانه‌وه‌یه‌کی پاوه‌جێ و هه‌نگاوێکی خێرای به‌ره‌و پێشکه‌وتنی ڕاستینه‌ به‌ خۆیه‌وه‌ ده‌بینێ. سه‌رۆک کۆماری ئیسلامیی ئێران له‌ دووه‌م ڕۆژی هه‌فته‌ی ده‌وڵه‌ت و له‌ بیست و دووه‌مین سه‌فه‌ری ده‌وڵه‌تی یازده‌هه‌م، ئه‌مڕۆ سێشه‌ممه‌ گه‌یشته‌ ستانی هه‌مه‌دان له‌ ڕۆژاوای ئێراندا.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-25 | په‌نجه‌ره: ئێران | سه‌ردان: 294 | Like: 0

can't open file