دووشه‌ممه‌ ۳ ڕه‌زبه‌ر ۱۳۹۶
ئه‌ندازه‌ي‌ فۆنت :  

په‌لاماری فڕۆکه‌ جه‌نگییه‌کانی هێزی ئاسمانیی تورکیا بۆ سه‌ر باکووری ئێراق

که‌ناڵی ته‌له‌ڤزیۆنیی ده‌وڵه‌تی تورکیا رایگه‌یاند: فڕۆکه‌ جه‌نگییه‌کانی هێزی ئاسمانیی تورکیا دیسان ناوچه‌گه‌لێک له‌ باکووری ئێراقیان بۆردومان کرد که‌ به‌ هۆی ئه‌و په‌لاماره‌وه‌ لانیکه‌م 70 ئه‌ندامی چه‌کداری په‌که‌که‌ کوژراون. به‌ پێی ڕاپۆرتی ئیرنا؛ له‌ هه‌واڵێکدا که‌ شه‌وی سێشه‌ممه‌ له‌ ماڵپه‌ڕی فه‌رمیی که‌ناڵی ته‌له‌ڤزیۆنیی ده‌وڵه‌تی تورکیا بڵاو بوویه‌وه‌، هاتووه‌؛ ئامانج له‌م ئۆپراسیۆنه‌ که‌ له‌ دوو قۆناخدا 21ی ئاب (ڕێکه‌وت له‌گه‌ڵ 30ی گه‌لاوێژ) ئه‌نجام دراوه‌، تیابردنی هه‌ماری چه‌که‌مه‌نی و حه‌شارگه‌کانی په‌که‌که‌ بووه‌.
له‌م هه‌واڵه‌دا به‌ گێڕانه‌وه‌ له‌ ژێده‌ره‌ ئه‌منییه‌کانی تورکیا هاتووه‌؛ له‌ یه‌که‌م په‌لاماردا ناوچه‌گه‌لێک له‌ چیای قه‌ندیل به‌ مووشه‌کی خاوه‌نی شوێنگری له‌یزری بۆردومان کراون و لانیکه‌م 40 ئه‌ندامی په‌که‌که‌ کوژران و نزیکه‌ی 50_60 که‌سیشیان بریندار بوونە.
هه‌روه‌ها ئه‌م ژێده‌رانه‌ وتیان: وێڕای ئه‌وه‌ی سێ ڕۆژ به‌ سه‌ر ئه‌و ئۆپراسیۆنه‌ تێپه‌ڕ بووه‌، ئێستایش هه‌ر ده‌نگی ته‌قینه‌وه‌ له‌و ناوچه‌یه‌ به‌رز ده‌بێته‌وه‌.
دووه‌م ئۆپراسیۆنیش هه‌ر له‌و ڕۆژه‌دا بۆ سه‌ر ناوچه‌ی متینا له‌ باکووری ئێراق ئه‌نجام دراوه‌ که‌ له‌و ئۆپراسیۆنه‌دا 30 ئه‌ندامی په‌که‌که‌ کوژران و 25 که‌سی دیکه‌یشیان بریندار بوونە.هه‌روه‌ها هه‌واڵده‌ریی ئاناتۆلیش باسی ئەوەی کردووە کە گوایە: له‌و کاته‌وه‌ شه‌ڕ و پێکدادانه‌کان له‌گه‌ڵ په‌که‌که‌ ده‌ست پێ بووه‌ له‌ ماوه‌ی 50 ڕۆژی ڕابردوودا لانیکه‌م 800 ئه‌ندامی په‌که‌که‌ له‌ نێوخۆی خاکی تورکیاو باکووری ئێراق کوژراون. ته‌له‌ڤزیۆنی ده‌وڵه‌تیی تورکیاش ڕۆژی دووشه‌ممه‌ به‌ گێڕانه‌وه‌ له‌ ژێده‌ره‌ سه‌ربازییه‌کانی ئه‌م وڵاته‌ راپۆرتی دا: له‌ ماوه‌ی یه‌ک مانگی ڕابردوودا له‌ ئۆپراسیۆنی به‌ربڵاوی سوپای تورکیا دژ به‌ پارتی کرێکارانی کوردستانی تورکیا (په‌که‌که‌) 812 میلیشیای کورد کوژراون.
به‌ پێی ئه‌م ڕاپۆرته‌ پتر له‌ 400 ئه‌ندامی په‌که‌که‌ له‌ باکووری ئێراق و پتر له‌ 200 که‌سیشیان له‌ نێو خاکی تورکیادا له‌ شه‌ڕ و پێکدادانی چه‌کدارانه‌ بریندار بوونه‌. له‌م ماوه‌یه‌دا پتر له‌ هه‌زار و حه‌وتسه‌د که‌س که‌ گومانی هاوکاری له‌گه‌ڵ (په‌که‌که‌) و ئه‌ندامەتی لەلقی ناوشاری ئه‌و پارته‌یان لە سەرە گیراون و 417 که‌سیان به‌ پێی بڕیاری دادگه‌ به‌ندیان بۆ بڕدراوه‌ته‌وه‌.
ئاڵۆزییه‌کان له‌ تورکیا دوابه‌دوای په‌لامارێکی خۆکوژی بۆ سه‌ر چالاکان و هه‌ڵسوڕاوانی کورد له‌ شاری پڕسوس له‌ باشووری تورکیا و له‌ نزیکی سنووری سووریا که‌ 31 کوژراو و نزیکه‌ی 100 برینداری لێکه‌وته‌وه‌، ده‌ست پێ بووه‌.
هه‌واڵده‌ریی ئاناتوولیی تورکیایش ڕۆژی پێنجشه‌ممه‌ی ڕابردوو راپۆتی دابوو لانیکه‌م 55 هێزی ئه‌منی و 14 که‌سی سیڤیلی ئه‌م وڵاته‌ له‌ ماوه‌ی 44 ڕۆژی ڕابردوودا له‌ جه‌نگه‌ی شه‌ڕ و پێکدادانی نێوان سوپای تورکیا و گرووپه‌کانی کورد له‌ ناوچه‌ جۆربه‌جۆره‌کانی ئه‌م وڵاته‌دا کوژراون. له‌م ماوه‌یه‌دا (16ی پووشپه‌ڕ تا 28ی گه‌لاوێژ) هه‌روه‌ها 189 که‌س بریندار بوونه‌ و 144 ئۆتۆمبیلیش ئاگریان تێ به‌ردراوه‌.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-25 | په‌نجه‌ره: نيونه‌ته‌وه‌يي | سه‌ردان: 216 | Like: 0

can't open file