چوارشه‌ممه‌ ۲۹ خه‌رمانان ۱۳۹۶
ئه‌ندازه‌ي‌ فۆنت :  

په‌لاماره‌کانی عه‌ره‌بستان و وه‌ڵام دانه‌وه‌ی یه‌مه‌نییه‌کان

فڕۆکه‌ جه‌نگییه‌کانی عه‌ره‌بستانی سعوودی له‌ درێژه‌ی ده‌سدرێژییه‌کانیان دا بۆ سه‌ر یه‌مه‌ن، دوو پارێزگەی عیمران و حه‌جه‌ و رێگای نیوده‌وڵه‌تیی حه‌دیده‌یان دایه‌ به‌ر په‌لامار. به‌ پێی ڕاپۆرتی که‌ناڵی ته‌له‌ڤزیۆنیی ئه‌لمه‌سیره‌؛ فڕۆکه‌ جه‌نگییه‌کانی ڕژێمی سعوودی له‌م په‌لامارانه‌دا بۆمبی هێشووییان به‌ کار هێناوه‌ که‌ به‌ هۆی ئه‌و په‌لاماره‌ 20 که‌سی سیڤیل کوژران و 26 که‌سی دیکه‌یش بریندار بوون.
فڕۆکه‌ جه‌نگییه‌کانی ده‌سدرێژکاریی ڕژێمی ئالی سعوود له‌م په‌لامارانه‌دا بازاڕ، ڕێستۆران، فرۆشگه‌ و باڵاخانه‌کانی تایبه‌ت به‌ کڕین و فرۆشتن و هه‌روه‌ها لۆرییه‌کانی هه‌ڵگری ئاوی شیرینیان داوه‌ته‌ به‌ر په‌لامار.
ده‌سدرێژکارانی سعوودی ڕۆژ له‌ دوای ڕۆژ له‌ به‌ره‌کانی شه‌ڕدا به‌ره‌وڕووی شکست ده‌بنه‌وه‌ و هه‌وڵ ده‌ده‌ن به‌ ئه‌نجام دانی جه‌نایه‌ت دژ به‌ شاروومه‌ندانی یه‌مه‌نی، شکسته‌کانی خۆیان داپۆشن.
هێزه‌ یه‌مه‌نییه‌کانیش له‌ وه‌ڵام به‌ جه‌نایه‌ته‌کانی ڕژێمی ئالی سعوود هێرشیان کرده‌ سه‌ر بورجی کۆنترۆڵ و چاوه‌دێری بنکه‌ی سه‌ربازیی حاجزی عه‌ره‌بستان له‌ ناوچه‌ی زه‌هران عه‌سیر و ئه‌و بورجه‌یان ته‌واو تیا برد. هێزه‌ یه‌مه‌نییه‌کان له‌م په‌لاماره‌دا ئه‌و سه‌ربازانه‌یان کوشت که‌ پاسه‌وانی ئه‌م بورجی چاوه‌دێرییه‌ بوون.
ئه‌لمه‌سیره‌ هه‌روه‌ها باسی پێشڕه‌ویی هێزه‌کانی سوپا و هێزه‌ جه‌ماوه‌رییه‌کانی یه‌مه‌ن به‌ره‌و شاری نه‌جرانی عه‌ره‌بستانی کردووه‌. به‌ پێی ئه‌م ڕاپۆرته‌، شاری نه‌جران ئێستاکه‌ له‌ به‌ر تیری سوپا و هێزه‌کانی خۆڕاگریی جه‌ماوه‌رییه‌ یه‌مه‌ندایه‌.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-19 | په‌نجه‌ره: ده‌سدرێژی بۆ سه‌ر یه‌مه‌ن | سه‌ردان: 252 | Like: 0

can't open file