یه‌کشه‌ممه‌ ۲۸ گه‌ڵاڕێزان ۱۳۹۶
ئه‌ندازه‌ي‌ فۆنت :  

نیگەرانی ڕێکخراوی نەتەوەکان لەمەڕ بەردەوام بوونی پەلامارەکانی عەڕەبستان بۆسەر یەمەن

دوابەدوای پەرەسەندنی پەلامارەکانی عەڕەبستانی سعوودی بۆسەر ناوچە مەدەنییەکان و کەسانی سیڤیلی یەمەنی ، ڕێکخراوی نەتەوە یەکگرتووەکان نیگەرانی دەربڕی لەمەڕ بەردەوام بوونی تێکهەڵچوونەکان لەووڵاتە. بەپێی ڕاپۆرتی ئیرنا و لەزمان هەواڵدەریی شین هواوە ، دوابەدوای پەرەسەندنی تێکهەڵچوونەکان لە یەمەن ، ڕێکخراوی نەتەوەکان ئەمڕۆ چوارشەممە نیگەرانی دەربڕی لە بەردەوام بوونی پەلامارەکانی عەڕەبستان و وریایی دا کە برسێتی هەڕەشە لە گیانی 6 ملوێن یەمەنی دەکات.
ڕێکخراوی نەتەوەکان هەروەها ڕایگەیاندووە کە بە درێژەی تێکهەڵچوونەکان لە یەمەن ، زۆرترلە 850 هەزار منداڵ لەووڵاتە تووشی بەدخوراکی بوون.
بەرلەمەش سندووقی داکۆکی لە منداڵانی ڕێکخراوی نەتەوەکان یوونیسێف بە دانی ئامارێک ڕایگەیاند کە لە کاتی دەسپێکی تێکهەڵچوونەکانی یەمەنەوە تاکوو ئێستا لانیکەم 279 منداڵ گیانیان لەدەست داوە.
عەڕەبستانی سعوودی لە 26 ی مانگی مارسەوە تاکووئێستا بە بیانووی گەڕاندنەوەی "عبدربە مەنسوور هادی" سەرۆک کۆماری دەست لەکارکێشاوە و هەڵاتووی یەمەەن بە دەسەڵات ، هەڵوێستی ناسەربازی و ژێرخانەکانی یەمەنی کردۆتە ئامانجی پەلامار ، کە بەم هۆیەوە زۆرێک لە ژنان و منداڵان و کەسانی سیڤیلی یەمەنی کوژراون.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-12 | په‌نجه‌ره: ده‌سدرێژی بۆ سه‌ر یه‌مه‌ن | سه‌ردان: 312 | Like: 0

can't open file