دووشه‌ممه‌ ۳ ڕه‌زبه‌ر ۱۳۹۶
ئه‌ندازه‌ي‌ فۆنت :  

شه‌هیدبوونی فه‌له‌ستینیه‌ک له‌لێواری ڕۆژاوای چۆمی ئۆردۆن

سه‌ربازانی رژیمی زایۆنیستی لاوێکی فه‌له‌ستینیان له‌لێواری رۆژاوای چۆمی ئۆردۆن شه‌هید کرد. به‌پێی ڕاپۆری هه‌واڵده‌ریی فه‌ڕانسه‌؛ ئه‌نه‌س مونته‌سه‌ر، لاوی فه‌له‌ستینی دوێشه‌و له‌کاردانه‌وه‌ به‌تاوانی زایۆنیه‌کان پاش هێرشکردنه‌سه‌ر سه‌ربازێکی ئیسرائیلی له‌لێواری ڕۆژاوای چۆمی ئۆردۆن، کەوتە بەر تەقەی سه‌ربازانی زایۆنی و شه‌هید کرا.
ئه‌و ڕووداوه‌ له‌کاتێکدا قه‌وماوه‌ که‌ کێشه‌کان له‌ لێواری ڕۆژاوای چۆمی ئۆردۆن دوابەدوای په‌لاماری خوێناویی شارۆچکه‌نشینانی زایۆنی به‌ پاڵپشتیی سه‌ربازانی ئه‌و رژیمه‌و سووتاندنی ماڵی خێزانی ده‌وابشه‌ که‌ شه‌هیدبوونی کۆرپه‌یەکی18 مانگان و باوکەکەی لێکه‌وته‌وه‌، به‌توندی په‌ره‌ی سه‌ندووه‌.
هه‌روه‌ها دایکی عه‌لی ده‌وابشه‌ منداڵی 18 مانگانی فه‌له‌ستینیش که‌ له‌سووتاندنه‌که‌دا زامدار بووه‌، له‌نه‌خۆشخانه‌ خه‌وێندراوه‌ به‌ڵام به‌قسه‌ی پزیشکان حاڵی شپرزه‌یه‌.
کوڕی ئه‌و بنه‌ماڵه‌یه‌ش که‌ برینداربووه‌، ڕه‌وتی چاره‌سه‌ربوونه‌که‌ی خاوه‌.
رژیمی زایۆنیستی له‌چه‌ند ڕۆژی ڕابردوودا په‌لاماره‌کانی بۆسه‌ر مزگه‌وتی ئه‌قساو فه‌له‌ستینیه‌کانی دانیشتووی لێواری ڕۆژاواو قودسی داگیرکراو په‌ره‌پێداوه‌.
به‌زیندوویی سووتاندنی منداڵی18مانگانی فه‌له‌ستینی به‌ده‌ست شارۆچکه‌نشینانی زایۆنیست، شه‌پۆلێکی ئیدانه‌کرانی جیهانی و تووڕه‌یی فه‌له‌ستینیه‌کانی لێکه‌وتووه‌ته‌وه‌.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-10 | په‌نجه‌ره: ڕژێمي پيلان | سه‌ردان: 283 | Like: 0

can't open file