یه‌کشه‌ممه‌ ۲ ڕه‌زبه‌ر ۱۳۹۶
ئه‌ندازه‌ي‌ فۆنت :  

سەرەخۆشیی ڕێکخراوی نەتەوەکان بە بۆنەی شەهید بوونی باوکی کۆرپە سووتێندراوە فەلەستینییەکە

ڕێکخراوی نەتەوەکان شەهید بوونی سەعد ده‌ وابه‌شە، باوکی عەلی ده‌وابه‌شە کۆرپەی هەژدە مانگەی فەلەستینی کەلە پەلاماری ئەم دواییەی شارۆچکە نشینانی زایۆنیست شەهید ببوو، لە گەلی فەلەستین سەرەخۆشی کرد . بەگوێرەی ڕاپۆرتی هەواڵدەریی " معا" لە بەیت لەحم، سەعد ده‌وابه‌شە، باوکی عەلی ده‌وابه‌شە ئەو کۆرپەیەی کە لە پەلاماری حەوتەی ڕابردووی زایۆنییەکان شەهید کرابوو، سەرلەبەیانی ڕۆژی شەممە دوای حەوتەیەک رەنج و کوێرەوەری لەبەر قووڵ بوونی برینەکانی شەهید بوو.
نیکۆلای ملادینۆڤ، نوێنەری ڕێکخراوی نەتەوەکان لە کاروباری ئاشتیی ڕوژهەڵاتی ناڤین ڕۆژی شەممە لە بەیاننامەیەک دا نووسی : بەنوێنەرایەتی لە ڕێکخراوی نەتەوەکان، سەرەخۆشی لە خزمان و دۆستانی باوکی کۆرپەی فەلەستینی و گەلی فەلەستین دەکەم.
ناوبراو وتیشی: بەم حاڵە بۆ باشتربوونی ڕەوشی تەندروستی کوڕی دیکەی ئەم باوکە شەهیدە کە بۆ زیندوومانەوە هەوڵ دەدات، دوعا دەکەین و دەپاڕێینەوە.
ملادینۆڤ هەروەها وتی کە لە داواکاریی بان کی مۆنی سکرتێری گشتی ڕێکخراوی نەتەوەکان بۆ دادگایی کرانی ئەنجامدەرانی ئەم هەوڵە تیرۆریستییە داکوکی دەکەم.
پەلاماری ئەم دواییەی شارۆچکە نشینە زایۆنییەکان بۆسەر ماڵی سەعد ده‌وابه‌شە و ئاورتێبەربوون لەو ماڵە ، شەهید بوونی کۆرپەی فەلەستینی و بریندار بوونی ئەندامانی ئەم بنەماڵەیەی لێکەوتەوە.
ئەم پەلامارە ناڕەزایەتی و توڕەیی بەدژی ئەم هەوڵە نامرۆڤانەیەی لێکەوتەوە و هێزی زایۆنیستیش لە حاڵەتی ئامادەباشی تۆکمەوتەواو دان.
تاقمەکانی فەلەستینی خوازیاری پێکهاتنی دۆسیەی شەهید عەلی ده‌وابه‌شە لە دیوانی سزای نێودوڵەتی بوون و نوێنەری پێکهاتەی خۆبەڕێوەبەری فەلەستین دۆسیەی تاوانکاری منداڵ سووتاندنی خستۆتەبەردەستی ئەم دیوانە هەتا ڕەنگە تاوانکارانی ئیسرائیلی سزا بدرێن.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-09 | په‌نجه‌ره: ڕژێمي پيلان | سه‌ردان: 307 | Like: 0

can't open file