یه‌کشه‌ممه‌ ۷ جۆزه‌ردان ۱۳۹۶
ئه‌ندازه‌ي‌ فۆنت :  

داعش چه‌کی شیمایی له‌ باکووری سووریا به‌کار هێناوه‌

ڕێکخراوی پزیشکانی بێ سنوور رایگه‌یاند؛ گرووپی ته‌کفیریی تیرۆریستیی داعش چه‌کی شیمیایی له‌ باکووری سووریا به‌کار هێناوه‌. به‌ پێی راپۆرتی هه‌واڵده‌ریی ته‌سنیم؛ ڕێکخراوی پزیشکانی بێ سنوور به‌ پشت به‌ستن به‌ به‌ڵگه‌ و داکیومێنتی ئه‌و پزشکانه‌ی ده‌رمانی بنه‌ماڵه‌یه‌کی سووریاییان کردبوو که‌ له‌ ستانی حه‌ڵه‌ب وه‌به‌ر په‌لاماری داعش که‌وتوون، له‌ به‌یاننامه‌یه‌کدا رایگه‌یاند؛ ئه‌م به‌ڵگانە پیشانده‌ری ئه‌وه‌یه‌ تیرۆریستانی داعش چه‌کی شیمیاییان له‌ سووریا به‌کار هێناوه‌.
کۆمه‌ڵی پزشکانی سووریاییش به‌ ئاماژه‌ به‌ ده‌رمانی پتر له‌ 50 که‌سی مه‌ده‌نی له‌ ناوچه‌ی "مارع" که‌ که‌وتبوونه‌ به‌ر په‌لاماری شیمیایی، ڕاشکاوانه‌ ڕایگه‌یاند: نزیکه‌ی 30 که‌س له‌و که‌سانه‌ی بۆ ده‌رمان خۆیان گه‌یاندۆته‌ پزشکانی ئێمه‌، تووشی نه‌خۆشی پێستی هاتوون که‌ ئه‌وه‌ش سه‌لمێنه‌ری ده‌رکارهێنرانی گازی خه‌رده‌ڵه‌.
"پابلۆ مارکۆ" به‌ڕێوه‌به‌ری به‌رنامه‌ی پزشکانی بێ سنوور له‌ سووریایش به‌ ئاماژه‌ به‌وه‌ی که‌ هیچ به‌ڵگه‌یه‌کی تاقیگه‌یی بۆ سه‌لماندنی ده‌کارهێندرانی چه‌کی شیمیایی له‌ سووریا له‌ به‌رده‌ستدا نییه‌، وتی؛ ئه‌و نیشانانه‌ی که‌ به‌ تێپه‌ڕ بوونی زه‌مه‌ن له‌سه‌ر پێستی تووشبوان که‌ دانیشتووی پارێزگای حه‌ڵه‌بن ده‌رکه‌وتووه‌، ڕوودانی په‌لاماری شیمایی له‌م ستانه‌ ده‌سه‌لمێنێ.
گرووپی تیرۆریستیی داعش به‌رده‌وام له‌ سووریا چه‌کی شیمیایی و گازی ژاراوی به‌کار هێناوه‌.
ڕێکخراوی قه‌ده‌غه‌ی په‌ره‌ و ده‌کارهێنانی چه‌کی شیماییش به‌ نیگه‌رانی ده‌ربڕین له‌وه‌ی که‌ داعش چه‌کی شیمایی دژ به‌ کوردی ئێراق به‌ کار هێناوه‌، ڕایگه‌یاند؛ به‌ڵگه‌گه‌لێک له‌م باره‌وه‌ له‌ به‌رده‌ستدان که‌ ئه‌وانه‌ لێک ده‌داته‌وه‌.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-26 | په‌نجه‌ره: جیهانی ئيسلام | سه‌ردان: 1012 | Like: 0

can't open file