هه‌ینی ۳۱ خه‌رمانان ۱۳۹۶
ئه‌ندازه‌ي‌ فۆنت :  

بایکۆتی ئابووری، هه‌نگاوێکی کاریگه‌رە له‌هه‌مبه‌ر ئیسرائیلدا

کۆمکاری عه‌ره‌ب ، خوازیاری بایکۆتی به‌ته‌واوه‌تیی ئابووریی رژیمی زایۆنی بوو. محه‌ممه‌د سه‌بیح ، به‌رپرسی به‌شی فه‌له‌ستین و سه‌رزه‌وییه‌ داگیرکراوه‌کانی عه‌ره‌بی له‌ کۆمکاری عه‌ره‌ب، ڕۆژی یه‌کشه‌ممه‌ بایکۆتکرانی به‌ته‌واوه‌تی کاڵاکانی به‌رهه‌م هاتوو له‌ سه‌رزه‌وییه‌ داگیرکراوه‌کانی فه‌له‌ستینی به‌ په‌یامێکی سیاسی بۆ نه‌یارەتی له‌گه‌ڵ پەرەی شارۆچه‌که‌کانی زایۆنی نشین، ده‌سدرێژکاریی و به‌یه‌هودی کردنی ناوچه‌ فه‌له‌ستینیه‌کان زانی.
ئه‌وه‌ له‌حاڵێکدایه‌ که‌ ڕاپۆر و هه‌واڵه‌کان دەربڕی په‌ره‌ی بایکۆته‌کان له‌دژ ئیسرائیلن.
له‌و باره‌وه‌، چالاکوانێکی ئه‌مریکایی، ڕه‌وتی بزووتنه‌وه‌ی بایکۆت له‌دژ رژێمی زایۆنی له‌ ئه‌مریکای ڕوو له‌په‌ره‌ زانی.
پۆل لارودی، چالاکوانی ئه‌مریکایی ڕۆژی یه‌کشه‌ممه‌ له‌باره‌ی بزووتنه‌وه‌ی بایکۆته‌کان له‌دژ رژێمی ئیسرائیل، وتی: بزووتنه‌وه‌ی بایکۆته‌کان دژ به‌ ئیسرائیل به‌پشتگریی جه‌ماوه‌ر له‌ ئه‌مریکا ، سه‌رکه‌وتنی زۆر به‌ده‌ست دێنێ. ئه‌وه‌ له‌ هه‌ل و مه‌رجێکدایه‌ که‌ به‌په‌یوه‌ست بوونی دامه‌زراوه‌ فێرکارییەکان و کلیساکانی ئه‌مریکا به‌ که‌مپه‌ینی بایکۆت له‌دژ ئیسرائیل، ئه‌و که‌مپه‌ینه‌ که‌ به‌ئامانجی ناڕه‌زایه‌تی ده‌ربڕین دژی سته‌می ته‌له‌بیب له‌ هه‌مبه‌ر فه‌له‌ستینیه‌کان وه‌ڕێ خراوه‌، په‌ره‌ی سه‌ندووه‌.
چالاکوانانی بزووتنه‌وه‌ی (تەریک خستنەوە) به‌ خۆبواردن له‌ سه‌رمایه‌نانه‌وه‌و بایکۆتی ئیسرائیل به‌نیازن به‌رفراوانترین هه‌نگاو له‌دژ ئیسرائیل هه‌ڵبگرن، هه‌نگاوێک که‌ داگری کۆڕ و کۆمه‌ڵه‌ خوێندکارییه‌کانی293 زانکۆکی ئه‌مریکی و کلیسایه‌کی به‌ناوبانگی پرۆتستانیشه‌.
ئه‌وه‌ له‌بارودۆخێکدایه‌ که‌ په‌ره‌پێدرانی بایکۆته‌کان له‌دژ ئیسرائیل ، نیگه‌رانیی زۆری له‌نێو دامه‌زراوه‌ دراڤییه‌کانی رژیمی زایۆنیستی به‌دیهێناوه‌.
له‌وباره‌وه‌، ڕۆژنامه‌ی زایۆنیستی مه‌عاریۆ ماوه‌یه‌ک له‌مه‌وبه‌ر ڕاپۆری دا: بانکه‌کانی ئیسرائیل له‌به‌ر دانی قه‌رز بۆ کڕینی خانووبه‌ره‌ به‌ شارۆچکه‌ نشینانی لێواری ڕۆژاوای چۆمی ئۆردۆن نیگه‌رانی بایکۆت کرانی خۆیانن.
مه‌عاریۆ نووسی: ئیسرائیل به‌ره‌وڕووی مه‌ترسیی"سۆنامی ئابووری و سیاسی" یه‌ و بانکه‌کان داوا له‌ به‌رپرسانی ته‌له‌بیب ده‌که‌ن، ڕێگاچاره‌یه‌ک بۆ پێش گرتن به‌ ڕوودانی ئه‌و سۆنامییه‌ بدۆزنه‌وه‌.
مه‌عاریۆ هه‌روه‌ها نووسیویه‌تی: یه‌کێتی ئوروپا ، بایکۆتی بانکه‌ ئیسرائیلییه‌کان پێوشوێن ده‌گرێ که‌ ئاسانکاریی ده‌خه‌نه‌ به‌رده‌ست شارۆچکه‌نشینانی لێواری ڕۆژاوای چۆمی ئۆردۆن و قودسی ڕۆژهه‌ڵاتی و به‌رزاییه‌کانی جۆلان. شیاوی ئاماژه‌یه‌ که‌ یه‌کێتیی ئەوروپا له‌ساڵی2013ش ڕێکارێکی خسته‌ڕوو که‌ به‌گوێره‌ی، داکۆکی دراڤیی ئه‌و یه‌کێتیه‌ له‌و پرۆژانه‌ی له‌ شارۆچکه‌ زایۆنی نشینه‌کانی لێواری ڕۆژاوایی، قودسی ڕۆژهه‌ڵاتی و به‌رزاییه‌کانی جۆلان له‌حاڵی جێ به‌جێ کراندا بوون، قه‌ده‌غه‌ کراو بایکۆتی کاڵاکانی به‌رهه‌مهاتوو له‌و شارۆچکانه‌ش خرایه‌ نێو به‌رنامه‌ی کاری یه‌کێتی ئەوروپاوه‌.
بایکۆت کرانی کاڵا ئیسرائیلییه‌کان به‌تایبه‌ت به‌رهه‌مه‌ کشت و کاڵیه‌کان له‌ شارۆچکه‌ زایۆنی نشینه‌کان تاکوو ئێستا زیانی زۆری له‌ ئابووریی ئیسرائیل داوه‌.
به‌پێی ڕاپۆری ڕۆژنامه‌ی زایۆنیستیی هائارێتس ، گه‌ڵاڵه‌ی بایکۆتی کاڵا ئیسرائیلیه‌کان به‌تایبه‌ت کاڵاو به‌رهه‌مه‌ کشت و کاڵییه‌کانی به‌رهه‌م هاتوو له‌ شارۆچکه‌ زایۆنی نشینه‌کان، زیانێکی شه‌ش ملیارد دۆلاریی له‌ساڵانی2013و2014 له‌ ئیسرائیل داوه‌.
به‌پێی ئه‌و ڕاپۆره‌، ئه‌و ئاماره‌ به‌پێی زانیارییه‌ فه‌رمییه‌کانی ناوه‌ندی ئامار ئاماده‌ کراوه‌و بێتوو بایکۆتکرانی کاڵا ئیسرائیلییه‌کان له‌لایه‌ن وڵاتانی ئەوروپاییه‌وه‌ به‌رده‌وام بکرێت، ئاستی زیان که‌وتن له‌ ئیسرائیل له‌مساڵدا(2015) ده‌گاته‌ نێزیکه‌ی نۆ و نیو ملیارد دۆلار.
پەرەسەندنی شه‌پۆلی بایکۆتی رژیمی زایۆنیستی نیگه‌رانیی زۆری بۆ به‌رپرسانی ئه‌و رژیمه‌ به‌دواوه‌ بووه‌ تا ئه‌وجێگایه‌ی که‌ بنیامین نه‌تانیاهۆ سه‌رۆک وه‌زیرانی ئه‌و رژیمه‌ش له‌م دواییه‌دا وێڕای وشداری دان له‌باره‌ی چوونه‌سه‌ری شه‌پۆلی جیهانیی بایکۆتکرانی ئیسرائیل، به‌ئاشکرا دانی به‌وه‌دانا که‌ بزووتنه‌وه‌ی جیهانیی بایکۆتی ئیسرائیل، هه‌ڕه‌شه‌یه‌ بۆ هه‌بوونی ئه‌و رژیمه‌.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-24 | په‌نجه‌ره: ڕژێمي پيلان | سه‌ردان: 297 | Like: 0

can't open file