یه‌کشه‌ممه‌ ۲ ڕه‌زبه‌ر ۱۳۹۶
ئه‌ندازه‌ي‌ فۆنت :  

ئه‌میر عه‌بدوڵڵاهیان: ئیسرائیل، بره‌وپێده‌ری تیرۆریزمی ده‌ووڵه‌تییه‌ له‌ جیهاندا

یاریده‌ده‌ری عه‌ره‌بی و ئه‌فریقایی وه‌زیری ده‌ره‌وه‌ی کۆماری ئیسلامیی ئێران، کرده‌وه‌ی زایۆنیسته‌کانیان له‌مه‌ڕ سووتاندنی زارۆکێکی فه‌له‌ستینی شه‌رمه‌زار کرد. "حوسێن ئه‌میر عه‌بدوڵڵاهیان"، یاریده‌ده‌ری عه‌ره‌بی و ئه‌فریقایی وه‌زیری ده‌ره‌وه‌ی ئێران پاش نیوه‌ڕۆی یه‌کشه‌ممه‌ له‌ گفتوگۆ له‌گه‌ڵ هه‌واڵده‌ریی ڕادیۆ و تله‌ڤییۆنی کۆماری ئیسلامیی ئێران، جینایه‌تی سووتاندنی زارۆکێکی فه‌له‌ستینی له‌لایان زایۆنیسته‌کانه‌وه‌ به‌ یه‌کێک له‌ ملوێنان جینایه‌تی ڕژێمی زارۆک کوژی زایۆنیستی زانی له‌ ده‌یه‌کانی ڕابردوودا و گوتیشی: ئه‌م ڕژێمه‌ ڕژێمێکی ناڕه‌وایه‌ که‌ بره‌وپێده‌ری تیرۆریزمی ده‌وڵه‌تییه‌ له‌ ناوچه‌که‌ و جیهاندا.
ئه‌میر عه‌بدوڵڵاهیان، هه‌روه‌ها گوتیشی ئه‌وه‌ی ده‌بێته‌ هۆی ناهێمنی له‌ ناوچه‌دا، کرده‌وه‌کانی ناڕه‌وای ڕژێمی زایۆنیستییه‌ و به‌داخه‌وه‌ ئه‌و هه‌نگاوانه‌ له‌ سای بێده‌نگیی کۆڕ و کۆمه‌ڵه‌ نێوده‌وڵه‌تییه‌کان و پشتیوانیی هه‌ندێ له‌ وڵاتانی بانگه‌شه‌کاری به‌رگری له‌ مافی مرۆڤ هه‌ڵده‌گیردرێت.
یاریده‌ده‌ری وه‌زیری ده‌ره‌وه‌ی ئێران، وشداری دا: به‌ بێده‌نگیی هه‌ندێ له‌ وڵاتانی ناوچه‌ و بڕێک له‌ پشتیوانانی ڕژێمی زایۆنیستی هه‌موو ڕۆژێک جیهان ده‌بێ شایه‌تی دووپات بوونه‌وه‌ی ئاوه‌ها جینایه‌تگه‌لێک بێت له‌مه‌ڕ جینۆسایدی فه‌له‌ستینییه‌کان له‌ لایان ڕژێمی زایۆنیستییه‌وه‌. شارۆچکه‌ نشینه‌ زایۆنیسته‌کان به‌یانی هه‌ینی ڕابردوو به‌ په‌لاماردانی گوندێکی فه‌له‌ستینی له‌ لێواری ڕۆژئاوایی چۆمی ئۆردۆن وێڕای ئاوربه‌ردان له‌ دوو خانووی فه‌له‌ستینی زارۆکێکیشیان به‌ زیندوویی سووتاند.
په‌سه‌ند کردن - 
کۆمێنت - 
بڵاو کردنه‌وه‌ - 
ئیمه‌یل - 
Save as PDF - 
چاپی که‌
به‌روار: 2015-08-02 | په‌نجه‌ره: ڕژێمي پيلان | سه‌ردان: 209 | Like: 0

can't open file